Ministri i Punëve të Brendshme, Bejtush Gashi i ka shprehur ngushëllime familjes dhe komunitetit për vrasjen e dyfishtë që ndodhi dje në Gjakovë ku bashkëshorti vrau gruan dhe vajzën e tyre 9-vjeçare.

Gashi ka thënë se për këtë rast tragjik ka kërkuar një raport të detajuar nga organet kompetente Policia e Kosovës dhe Inspektorati Policor në lidhje me procedurat e ndjekura për këtë rast dhe se pas raportit do të ndërmerren masat e duhura bazuar në legjislacionin në fuqi.

“Ky rasti tragjik në Gjakovë tregon se Kosova ende përballet me plagën e dhunës në familje, si ministër i Punëve të Brendshme menjëherë kam kërkuar raport të detajuar nga organet kompetente Policia e Kosovës dhe Inspektorati Policor i Kosovës në lidhje me procedurat e ndjekura për këtë rast. Pas raportit do të ndërmerren masat e duhura bazuar në legjislacionin në fuqi”, ka shkruar Gashi në facebook.

Ai gjithashtu ka thënë se MPB është e gatshme të bashkërendoj punën me institucionet tjera të sigurisë në Republikën e Kosovës që rastet si ky të mos përsëriten më.

Postimi i plotë:

Më lejoni të shprehi ngushëllimet më të sinqerta familjes dhe komunitetit për rastin tragjik që ndodhi në Gjakovë.

Ky rasti tragjik në Gjakovë tregon se Kosova ende përballet me plagën e dhunës në familje, si ministër i Punëve të Brendshme menjëherë kam kërkuar raport të detajuar nga organet kompetente Policia e Kosovës dhe Inspektorati Policor i Kosovës në lidhje me procedurat e ndjekura për këtë rast. Pas raportit do të ndërrmerren masat e duhura bazuar në legjislacionin në fuqi.

Gjithashtu MPB është e gatshme të bashkërendoj punën me institucionet tjera të sigurisë në Republikën e Kosovës që rastet si ky të mos përsëriten më.